Միլենան ապրում է ծնողների և քույրիկի հետ: Այս պահին ընտանիքը չունի ոչ մի տեսակի եկամուտ, ապրում են նախորդ աշխատատեղից պահված խնայողությամբ: Միլենան երազում է ունենալ փափուկ մահճակալ, տիկնիկներ, հագուստ, կոշիկ և մեծ տորթ:

Միացե՛ք «1 օր` 1 նվեր» ակցիային և Միլենաին նվիրե'ք Ամանորի հրաշք և ուրախ տրամադրություն:

Մերիի ընտանիքը շատ մեծ է. հնգամյա աղջնակն ապրում է իր ծնողների, վեց քույրերի և երկու եղբայրների հետ: Մերին երազում է իսկական խաղասենյակ ունենալու մասին, որտեղ քույրերի և եղբայրների հետ կկարողանան շատ խաղալիքներով խաղալ։ 

Միացե՛ք «1 օր` 1 նվեր» ակցիային և Մերիին նվիրե'ք Ամանորի հրաշք և ուրախ տրամադրություն:

Վորլդ Վիժն Հայաստանը սկսել է դրամահավաք` օգնելու հակամարտությունից տուժած մեր հայրենակիցներին։

Հայաստանում աղքատ մարդկանց հաճախ կարելի է հանդիպել, սակայն մոտ 60000 մարդ Հայաստանում այսօր ապրում է ծայրահեղ աղքատության մեջ՝ ունենալով 23384 ՀՀ դրամից քիչ ամսական եկամուտ: Աղքատությունը հատկապես ծանր ազդեցություն է ունենում փոքրիկների կյանքում, քանի որ նրանք սովորաբար զրկվում են արժանապատիվ կյանքի համար անհրաժեշտ հիմնական պայմաններից, այդ թվում՝ եղանակին համապատասխան հագուստից, բնակարանի ջեռուցումից, պատշաճ սանիտարահիգիենիկ պայմաններից և հիգիենայի պարագաներից:

Վլադիմիրը 7 տարեկան է, նա լուրջ առողջական խնդիրներ ունի: Այս աշխույժ տղան երազում է հեծանիվ ունենալու մասին: Վլադիմիրն ուզում է նաև, որ իրենց տանը շատ գրքեր լինեն հեքիաթների մասին, որոնք ինքը կկարողանա կարդալ ինքնուրույն:

Միացե՛ք «1 օր` 1 նվեր» ակցիային և Վլադիմիրին նվիրե'ք Ամանորի հրաշք և ուրախ տրամադրություն:

Վորլդ Վիժն Հայաստանն ամփոփում է «Գաղտնի Ձմեռ Պապ» արշավի արդյունքները

736 մարդ մասնակցեց Վորլդ Վիժն Հայաստանի՝ «Գաղտնի Ձմեռ Պապ 2019» (#SecretSanta 2019) արշավին՝ նվիրաբերելով ամանորյա նվերներ Հայաստանի աղքատ ընտանիքներում ապրող 2637 երեխայի համար: Արշավի շրջանակներում նվիրաբերվել է ընդհանուր առմամբ 13,597,000 ՀՀ դրամ: 

18 օր տևած արշավին մասնակցեցին նվիրատուներ թե՛ Հայաստանի մարզերից, թե՛ Երևանից և թե արտերկրից:  Տոնական գուլպայի տեսք ունեցող բացիկում նվիրատուները տեսնում էին այն երեխային, ում համար ընտրում էին ամանորյա նվերը՝ Վորլդ Վիժնի կողմից առաջարկվող ցանկից՝ զարգացնող խաղեր, տիկնիկներ, գրքեր, մեքենաներ, կոնստրուկտորներ, գնդակներ և նկարչական պարագաներ:

Նվիրատվական արշավին մասնակցել են Հայաստանում գործող խոշոր, միջին և փոքր բիզնեսներ, ՏՏ ընկերություններ, տեղական և միջազգային կազմակերպություններ, անհատ ձեռներեցներ, պետական կառույցներ, արվեստի գործիչներ և հարյուրավոր սրտացավ անհատներ: Բոլոր նվիրատուները ստացել են անհատական հաշվետվություն-նամակներ նվեր ստացող երեխայի լուսանկարով:

 Վորլդ Վիժն Հայաստանը իրականացնում է «Գաղտնի Ձմեռ Պապ» արշավն արդեն երկրորդ տարին: Նախորդ տարվա համեմատ այս տարի հնարավոր է եղել կրկնապատկել թե՛ նվիրատուների և թե՛ նվեր ստացող երեխաների թիվը:  

Շնորհակալություն ենք հայտնում բոլոր նվիրատուներին՝ Հայաստանում ապրող երեխաներին ամանորյա տոն պարգևելու համար:  

Արշավի շրջանակներում խոշոր նվիրատվություն է կատարել «ԻՆԵԿՈԲԱՆԿ» ՓԲԸ-ն՝ նվիրաբերելով գումար 300 երեխայի ամանորյա նվերի համար:

Տասնամյա Վազգենը սովորում է 5-րդ դասարանում: Նա ապրում է մայրիկի, քրոջ և եղբոր հետ, իսկ մայրիկն աշխատանք չունի: Վազգենը երազում է ֆուտբոլիստ դառնալու մասին: Իսկ այս Ամանորին շատ կուզեր հեծանիվ ստանալ՝ որպես նվեր:

Միացե՛ք «1 օր` 1 նվեր» ակցիային և Վազգենին նվիրե'ք Ամանորի հրաշք և ուրախ տրամադրություն:

Beeline-ը և Վորլդ Վիժն Հայաստանն ամփոփեցին «Երեխաների առցանց անվտանգություն» ծրագիրը:

Մոտ մեկ տարի տևած ծրագրի շրջանակներում կազմակերպվել է 30 դասընթաց Երևանի, Թալինի և Կապանի 600 դպրոցականի համար: Կազմակերպված դասընթացների ընթացքում երեխաներն ու նրանց ծնողները/խնամակալները ձեռք բերեցին ինտերնետից անվտանգ օգտվելու վերաբերյալ կարևոր գիտելիքներ և հմտություններ:

Վորլդ Վիժն Հայաստանը սկսում է նոր նվիրատվական արշավ, քանի որ այս օրերին հատկապես ծանր է ծայրահեղ աղքատության մեջ ապրող երեխաների և նրանց ընտանիքների համար: