Հաշվետվություններ

Էդգարը 13 տարեկան է, նա ապրում է մեծ ընտանիքում, որտեղ եկամտի միակ աղբյուրը նպաստն է: Էդգարը շատ բաների մասին է երազում, ուզում է ունենալ ձի, հեծանիվ, մեկ էլ՝ տան համար վառելափայտ, հագուստ և կոշիկ:

Միացե՛ք «1 օր` 1 նվեր» ակցիային և Էդգարին նվիրե'ք Ամանորի հրաշք և ուրախ տրամադրություն:

Իննամյա Մարիաննան ապրում է իր ծնողների, քրոջ և եղբոր հետ: Մարիաննան ունի մանկական ուղեղային կաթված, սակայն դա չի խանգարում, որ հաճախի դպրոց: Նա սիրում է նկարել և երազում է նկարչական պարագաներ ունենալու մասին: Միացե՛ք «1 օր` 1 նվեր» ակցիային և Մարիաննաին նվիրե'ք Ամանորի հրաշք և ուրախ տրամադրություն:

Այսօրվա մեր հերոսուհին 14 տարեկան Ռայան է։ Նա ունի երկու եղբայր և մեկ քույր։ Ռայան երազում է դառնալ ուսուցչուհի և իր ընտանիքի հետ ապրել մեծ գեղեցիկ տանը։ Միացե՛ք «1 օր` 1 նվեր» ակցիային և Ռայային նվիրե'ք Ամանորի հրաշք և ուրախ տրամադրություն:

Վորլդ Վիժն Հայաստանն ամփոփում է «Գաղտնի Ձմեռ Պապ» արշավի արդյունքները

736 մարդ մասնակցեց Վորլդ Վիժն Հայաստանի՝ «Գաղտնի Ձմեռ Պապ 2019» (#SecretSanta 2019) արշավին՝ նվիրաբերելով ամանորյա նվերներ Հայաստանի աղքատ ընտանիքներում ապրող 2637 երեխայի համար: Արշավի շրջանակներում նվիրաբերվել է ընդհանուր առմամբ 13,597,000 ՀՀ դրամ: 

18 օր տևած արշավին մասնակցեցին նվիրատուներ թե՛ Հայաստանի մարզերից, թե՛ Երևանից և թե արտերկրից:  Տոնական գուլպայի տեսք ունեցող բացիկում նվիրատուները տեսնում էին այն երեխային, ում համար ընտրում էին ամանորյա նվերը՝ Վորլդ Վիժնի կողմից առաջարկվող ցանկից՝ զարգացնող խաղեր, տիկնիկներ, գրքեր, մեքենաներ, կոնստրուկտորներ, գնդակներ և նկարչական պարագաներ:

Նվիրատվական արշավին մասնակցել են Հայաստանում գործող խոշոր, միջին և փոքր բիզնեսներ, ՏՏ ընկերություններ, տեղական և միջազգային կազմակերպություններ, անհատ ձեռներեցներ, պետական կառույցներ, արվեստի գործիչներ և հարյուրավոր սրտացավ անհատներ: Բոլոր նվիրատուները ստացել են անհատական հաշվետվություն-նամակներ նվեր ստացող երեխայի լուսանկարով:

 Վորլդ Վիժն Հայաստանը իրականացնում է «Գաղտնի Ձմեռ Պապ» արշավն արդեն երկրորդ տարին: Նախորդ տարվա համեմատ այս տարի հնարավոր է եղել կրկնապատկել թե՛ նվիրատուների և թե՛ նվեր ստացող երեխաների թիվը:  

Շնորհակալություն ենք հայտնում բոլոր նվիրատուներին՝ Հայաստանում ապրող երեխաներին ամանորյա տոն պարգևելու համար:  

Արշավի շրջանակներում խոշոր նվիրատվություն է կատարել «ԻՆԵԿՈԲԱՆԿ» ՓԲԸ-ն՝ նվիրաբերելով գումար 300 երեխայի ամանորյա նվերի համար:

Վորլդ Վիժն Հայաստանի բարի կամքի դեսպանների ուղերձը:

Մերիի ընտանիքը շատ մեծ է. հնգամյա աղջնակն ապրում է իր ծնողների, վեց քույրերի և երկու եղբայրների հետ: Մերին երազում է իսկական խաղասենյակ ունենալու մասին, որտեղ քույրերի և եղբայրների հետ կկարողանան շատ խաղալիքներով խաղալ։ 

Միացե՛ք «1 օր` 1 նվեր» ակցիային և Մերիին նվիրե'ք Ամանորի հրաշք և ուրախ տրամադրություն:

Անդրեն ինը տարեկան է, նրա ծնողները դժվարությամբ են հոգ տանում իրենց երեք տղաների մասին։ Անդրեն հաճախում է դհոլի խմբակ, բայց իր դհոլը դեռ չունի և այս Ամանորին երազում է նվեր ստանալ այդ երաժշտական գործիքը։ 

Միացե՛ք «1 օր` 1 նվեր» ակցիային և Անդրեին նվիրե'ք Ամանորի հրաշք և ուրախ տրամադրություն:

6 տարեկան Դավիթն այս տարի սկսել է դպրոց հաճախել: Երբ մեծանա, ուզում է ֆուտբոլիստ դառնալ, իսկ հիմա երազում է ֆուտբոլի գնդակ և հեռակառավարման վահանակով ավտոմեքենա ունենալու մասին։

Միացե՛ք «1 օր` 1 նվեր» ակցիային և Դավիթին նվիրե'ք Ամանորի հրաշք և ուրախ տրամադրություն: