Ետ գնալ
Ամփոփում ենք մեր #ԱմուրՏավուշ նախաձեռնությունը
09/09/2020
Տավուշի սահմանամերձ ութ համայնքների թաքստոցներն արդեն համալրված են կենսական անհրաժեշտության պարագաներով:
Բերդ, Արծվաբերդ, Չորաթան, Տավուշ, Մովսես, Չինարի, Ներքին Կարմիրաղբյուր, Այգեպար սահմանամերձ համայնքների բնակիչների և հատկապես երեխաների համար թաքստոցներն այսուհետ ավելի ապահով կլինեն:
Հիշեցնենք, որ սա հնարավոր դարձավ Տավուշի մարզպետարանի հետ սերտ համագործակցության շնորհիվ։ Հուլիսին մեկնարկած մեր #նվիրատվական արշավն աննախադեպ էր՝ մեզ միացան բազմաթիվ անհատներ, միջազգային ու տեղական կազմակերպություններ, ինչպես նաև Սփյուռքի մեր հայրենակիցները:
Մեր բոլոր նվիրատուներին սիրով կանդրադառնանք մեր հետագա հրապարակումներում։ Շնորհակալ ենք` ազգանվեր գործին միանալու և մեր սահմանամերձ համայնքներն ավելի դիմակայուն դարձնելու համար:
Ապաստարանները համալրվել են հետևյալ պարագաներով.
- ջրի բաքեր՝ ծորակով,
- էլեկտրական գեներատորներ,
- լապտերներ՝ հոսանքից լիցքավորվող մարտկոցով,
- քնապարկեր,
- ծածկոցներ,
- դեղարկղեր՝ առաջին անհրաժեշտության դեղորայքով և պարագաներով,
- բարձրախոսներ:
Այլ նորություններ
2019-ի ամռանը Վորլդ Վիժն Հայաստանի #ԵրազանքիՃամբար-ում իր մեկշաբաթյա հանգիստն անցկացրեց 1691 երեխա, որոնցից 534-ը` տեղական ֆոնդահայթայթման շնորհիվ: Ճամբարին ընդառաջ մեկնարկած նվիրատվական արշավին մասնակցեցին 68 կազմակերպություններ և 824 անհատներ Հայաստանից` հավաքագրելով ընդհանուր առմամբ 18,707,770 ՀՀ դրամ:
