Beeline-ը և Վորլդ Վիժն Հայաստանն ամփոփեցին «Երեխաների առցանց անվտանգություն» ծրագիրը:

Մոտ մեկ տարի տևած ծրագրի շրջանակներում կազմակերպվել է 30 դասընթաց Երևանի, Թալինի և Կապանի 600 դպրոցականի համար: Կազմակերպված դասընթացների ընթացքում երեխաներն ու նրանց ծնողները/խնամակալները ձեռք բերեցին ինտերնետից անվտանգ օգտվելու վերաբերյալ կարևոր գիտելիքներ և հմտություններ:

Ցուրտ և կոշտ պայմաններում ապրող Լեռնային Ղարաբաղից բռնի տեղահանված ընտանիքների համար այս ձմեռը դարձավ ավելի մեղմ՝ շնորհիվ Վորլդ Վիժն Հայաստանի և Յուքոմի համագործակցության:

6 տարեկան Դավիթն այս տարի սկսել է դպրոց հաճախել: Երբ մեծանա, ուզում է ֆուտբոլիստ դառնալ, իսկ հիմա երազում է ֆուտբոլի գնդակ և հեռակառավարման վահանակով ավտոմեքենա ունենալու մասին։

Միացե՛ք «1 օր` 1 նվեր» ակցիային և Դավիթին նվիրե'ք Ամանորի հրաշք և ուրախ տրամադրություն: 

9-13 տարեկան 300 դպրոցականներից բաղկացած առաջին հոսքը հրաժեշտ տվեց Հանքավանում անցկացվող յոթօրյա տեխնոլոգիական ճամբարին։ Ամառային ճամբարն իրականացվում է 600 դպրոցականների համար՝ Վորլդ Վիժն Հայաստանի, Ucom ընկերության և Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից:

Շնորհակալ ենք բոլոր այն նվիրատուներին, որոնց ջանքերի շնորհիվ Կապանի համայնքներում ապրող 50 ծայրահեղ աղքատ ընտանիք ստացավ առաջին անհրաժեշտության սնունդ և հիգիենայի պարագաներ։

Վորլդ Վիժն Հայաստանն ամփոփում է «Գաղտնի Ձմեռ Պապ» արշավի արդյունքները

736 մարդ մասնակցեց Վորլդ Վիժն Հայաստանի՝ «Գաղտնի Ձմեռ Պապ 2019» (#SecretSanta 2019) արշավին՝ նվիրաբերելով ամանորյա նվերներ Հայաստանի աղքատ ընտանիքներում ապրող 2637 երեխայի համար: Արշավի շրջանակներում նվիրաբերվել է ընդհանուր առմամբ 13,597,000 ՀՀ դրամ: 

18 օր տևած արշավին մասնակցեցին նվիրատուներ թե՛ Հայաստանի մարզերից, թե՛ Երևանից և թե արտերկրից:  Տոնական գուլպայի տեսք ունեցող բացիկում նվիրատուները տեսնում էին այն երեխային, ում համար ընտրում էին ամանորյա նվերը՝ Վորլդ Վիժնի կողմից առաջարկվող ցանկից՝ զարգացնող խաղեր, տիկնիկներ, գրքեր, մեքենաներ, կոնստրուկտորներ, գնդակներ և նկարչական պարագաներ:

Նվիրատվական արշավին մասնակցել են Հայաստանում գործող խոշոր, միջին և փոքր բիզնեսներ, ՏՏ ընկերություններ, տեղական և միջազգային կազմակերպություններ, անհատ ձեռներեցներ, պետական կառույցներ, արվեստի գործիչներ և հարյուրավոր սրտացավ անհատներ: Բոլոր նվիրատուները ստացել են անհատական հաշվետվություն-նամակներ նվեր ստացող երեխայի լուսանկարով:

 Վորլդ Վիժն Հայաստանը իրականացնում է «Գաղտնի Ձմեռ Պապ» արշավն արդեն երկրորդ տարին: Նախորդ տարվա համեմատ այս տարի հնարավոր է եղել կրկնապատկել թե՛ նվիրատուների և թե՛ նվեր ստացող երեխաների թիվը:  

Շնորհակալություն ենք հայտնում բոլոր նվիրատուներին՝ Հայաստանում ապրող երեխաներին ամանորյա տոն պարգևելու համար:  

Արշավի շրջանակներում խոշոր նվիրատվություն է կատարել «ԻՆԵԿՈԲԱՆԿ» ՓԲԸ-ն՝ նվիրաբերելով գումար 300 երեխայի ամանորյա նվերի համար:

Ութամյա Սյուզաննան երազում է տաք ու գեղեցիկ հագուստ ունենալու մասին, որպեսզի դպրոց հաճախելիս գեղեցիկ տեսք ունենա:  Սյուզաննան նաև շատ է ուզում, որ այս Ամանորին իրեն մի մեծ տիկնիկ նվիրեն ու շատ խաղալիքներ: Միացե՛ք «1 օր` 1 նվեր» ակցիային և Սյուզաննաին նվիրե'ք Ամանորի հրաշք և ուրախ տրամադրություն:

Անին յոթ տարեկան է, նրա ընտանիքի միակ եկամուտը նպաստն է: Անին երազում է ունենալ տիկնիկ, փափուկ խաղալիք, սպորտային համազգեստ, գեղեցիկ հագուստ և կոշիկ, տաք ձեռնոց և գլխարկ:

Միացե՛ք «1 օր` 1 նվեր» ակցիային և Անիին նվիրե'ք Ամանորի հրաշք և ուրախ տրամադրություն: 

Հայաստանում աղքատ մարդկանց հաճախ կարելի է հանդիպել, սակայն մոտ 60000 մարդ Հայաստանում այսօր ապրում է ծայրահեղ աղքատության մեջ՝ ունենալով 23384 ՀՀ դրամից քիչ ամսական եկամուտ: Աղքատությունը հատկապես ծանր ազդեցություն է ունենում փոքրիկների կյանքում, քանի որ նրանք սովորաբար զրկվում են արժանապատիվ կյանքի համար անհրաժեշտ հիմնական պայմաններից, այդ թվում՝ եղանակին համապատասխան հագուստից, բնակարանի ջեռուցումից, պատշաճ սանիտարահիգիենիկ պայմաններից և հիգիենայի պարագաներից: