Նվիրաբերել
Ետ գնալ Ետ գնալ Վորլդ Վիժն Հայաստանն ամփոփում է #ԳաղտնիՁմեռՊապ նվիրատվական արշավը 16/01/2020
Վորլդ Վիժն Հայաստանն ամփոփում է #ԳաղտնիՁմեռՊապ նվիրատվական արշավը

3802 ծայրահեղ աղքատ երեխա նախորդող ամանորյա տոներին ստացել է նվեր Վորլդ Վիժն Հայաստանի՝ արդեն ավանդույթ դարձած #ԳաղտնիՁմեռՊապ նվիրատվական արշավի շրջանակներում։

2019թ․-ի նոյեմբերի 26-ից մեկնարկած արշավն իրականացվեց ինչպես Հայաստանում, այնպես էլ երկրից դուրս։ Արշավի շրջանակներում ընդհանուր առմամբ հավաքագրվել է 19,010,000 ՀՀ դրամ։

#ԳաղտնիՁմեռՊապ արշավին նվիրատվություններ կատարվեցին առցանց www.donate.am կայքի միջոցով, իսկ Երևան Մոլում, հայաստանյան մի շարք խանութներում, պետական կառույցներում և մասնավոր ընկերություններում տեղադրվեցին հանգանակության արկղեր:

Արշավի շրջանակներում նվիրատուները հնարավորություն ունեին ընտրելու երեխայի սեռը, տարիքը, ինչպես նաև երեխային համապատասխան նվեր Վորլդ Վիժնի կողմից առաջարկվող խաղալիքների և զարգացող խաղերի տեսականուց։  

Արշավի նվիրատու է  դարձել 3125 անհատ, արշավին մասնակցել է Հայաստանում գործող 65 պետական և մասնավոր կառույց, ընկերություն, խանութ:

«Աննկարագրելի է այն հրճվանքը, որ կարիքի մեջ ապրող երեխաներն ապրում են Ամանորին այս անակնկալ նվերներն ստանալիս։ Շնորհակալ ենք յուրաքանչյուր նվիրատուին և կազմակերպությանը մեզ վստահելու և մեր երեխաներին ամանորյա հրաշք պարգևելու համար», - նշում է Վորլդ Վիժն Հայաստանի տնօրեն Ժիրայր Էդիլյանը։

Վորլդ Վիժն Հայաստանն արդեն երրորդ տարին է՝ իրականացնում է #ԳաղտնիՁմեռՊապ արշավը․ «Ես ուրախ եմ, որ տարեցտարի մեծանում է Վորլդ Վիժն Հայաստանի նվիրատվական արշավներին միացող անհատների և կազմակերպությունների թիվը։ Շատ ոգևորիչ է, որ Հայաստանում գնալով մեծ թափ է առնում նվիրատվություն անելու և բարին գործելու մշակույթը», - նշում է Ժիրայր Էդիլյանը։

Ըստ վիճակագրական տվյալների` Հայաստանում մինչև 18 տարեկան երեխաների 1.5%-ը կամ ավելի քան 11,000 երեխա ապրում է ծայրահեղ աղքատության մեջ*։ Այս երեխաները հաճախ զրկված են մի շարք հնարավորություններից՝ այդ թվում նաև Ամանորի տոներին մասնակից լինելու և նվեր ստանալու հնարավորությունից։           

*ԱՂՔԱՏՈՒԹՅԱՆ ՊԱՏԿԵՐԸ ՀԱՅԱՍՏԱՆՈՒՄ 2008-2018թթ
https://armstat.am/file/article/poverty_2019_a_2.pdf

 

 

Այլ նորություններ

IDBank-ը միանում է #ԵրազանքիՃամբար արշավին
IDBank-ը միանում է #ԵրազանքիՃամբար արշավին

#ԵրազանքիՃամբար արշավին է միանում IDBank-ը, որի շնորհիվ ևս 150 երեխա անապահով ընտանիքներից կկարողանա անմոռանալի հանգիստ անցկացնել Վորլդ Վիժն Հայաստանի ամառային ճամբարում: Շնորհակալ ենք` այսքան երեխաների ուրախ ամառ նվիրելու համար: 

14/06/2018
#SecretSanta. Ամանորյա նվերներ 2637 երեխայի համար
#SecretSanta. Ամանորյա նվերներ 2637 երեխայի համար

Վորլդ Վիժն Հայաստանն ամփոփում է «Գաղտնի Ձմեռ Պապ» արշավի արդյունքները

736 մարդ մասնակցեց Վորլդ Վիժն Հայաստանի՝ «Գաղտնի Ձմեռ Պապ 2019» (#SecretSanta 2019) արշավին՝ նվիրաբերելով ամանորյա նվերներ Հայաստանի աղքատ ընտանիքներում ապրող 2637 երեխայի համար: Արշավի շրջանակներում նվիրաբերվել է ընդհանուր առմամբ 13,597,000 ՀՀ դրամ: 

18 օր տևած արշավին մասնակցեցին նվիրատուներ թե՛ Հայաստանի մարզերից, թե՛ Երևանից և թե արտերկրից:  Տոնական գուլպայի տեսք ունեցող բացիկում նվիրատուները տեսնում էին այն երեխային, ում համար ընտրում էին ամանորյա նվերը՝ Վորլդ Վիժնի կողմից առաջարկվող ցանկից՝ զարգացնող խաղեր, տիկնիկներ, գրքեր, մեքենաներ, կոնստրուկտորներ, գնդակներ և նկարչական պարագաներ:

Նվիրատվական արշավին մասնակցել են Հայաստանում գործող խոշոր, միջին և փոքր բիզնեսներ, ՏՏ ընկերություններ, տեղական և միջազգային կազմակերպություններ, անհատ ձեռներեցներ, պետական կառույցներ, արվեստի գործիչներ և հարյուրավոր սրտացավ անհատներ: Բոլոր նվիրատուները ստացել են անհատական հաշվետվություն-նամակներ նվեր ստացող երեխայի լուսանկարով:

 Վորլդ Վիժն Հայաստանը իրականացնում է «Գաղտնի Ձմեռ Պապ» արշավն արդեն երկրորդ տարին: Նախորդ տարվա համեմատ այս տարի հնարավոր է եղել կրկնապատկել թե՛ նվիրատուների և թե՛ նվեր ստացող երեխաների թիվը:  

Շնորհակալություն ենք հայտնում բոլոր նվիրատուներին՝ Հայաստանում ապրող երեխաներին ամանորյա տոն պարգևելու համար:  

Արշավի շրջանակներում խոշոր նվիրատվություն է կատարել «ԻՆԵԿՈԲԱՆԿ» ՓԲԸ-ն՝ նվիրաբերելով գումար 300 երեխայի ամանորյա նվերի համար:

17/01/2019