Մերիի ընտանիքը շատ մեծ է. հնգամյա աղջնակն ապրում է իր ծնողների, վեց քույրերի և երկու եղբայրների հետ: Մերին երազում է իսկական խաղասենյակ ունենալու մասին, որտեղ քույրերի և եղբայրների հետ կկարողանան շատ խաղալիքներով խաղալ։ 

Միացե՛ք «1 օր` 1 նվեր» ակցիային և Մերիին նվիրե'ք Ամանորի հրաշք և ուրախ տրամադրություն:

Էդգարը 13 տարեկան է, նա ապրում է մեծ ընտանիքում, որտեղ եկամտի միակ աղբյուրը նպաստն է: Էդգարը շատ բաների մասին է երազում, ուզում է ունենալ ձի, հեծանիվ, մեկ էլ՝ տան համար վառելափայտ, հագուստ և կոշիկ:

Միացե՛ք «1 օր` 1 նվեր» ակցիային և Էդգարին նվիրե'ք Ամանորի հրաշք և ուրախ տրամադրություն:

Արմանը 13 տարեկան է, ապրում է մեծ ընտանիքում՝ տատիկի, պապիկի, հայրիկի, մայրիկի և քրոջ հետ: Արմանը շնորհալի պատանի է՝ հրաշալի կարողանում է նվագել դհոլ և շվի, իսկ երազում է ունենալ կլառնետ և դառնալ վարպետ կլառնետահար:

Միացե՛ք «1 օր` 1 նվեր» ակցիային և Արմանին նվիրե'ք Ամանորի հրաշք և ուրախ տրամադրություն: 

«Մեկ տարի առաջ իմ մտքով անգամ չէր կարող անցնել, որ այսքան մեծ սեր ունեմ նկարչության նկատմամբ: ՊիկսԱրտը «բացեց» աչքերս: Համոզված եմ՝ ամեն օր ստացածս գիտելիքները հետագայում այս բնագավառում մասնագիտանալու հիմք կհանդիսանան»

Սիրով ամփոփում ենք «1 օր՝ 1 նվեր»  ամանորյա ակցիայի արդյունքները:

Շնորհակալ ենք բոլոր այն նվիրատուներին, որոնց ջանքերի շնորհիվ Կապանի համայնքներում ապրող 50 ծայրահեղ աղքատ ընտանիք ստացավ առաջին անհրաժեշտության սնունդ և հիգիենայի պարագաներ։

«Հավաքենք ջերմության փազլը» նախաձեռնության շնորհիվ  95 երեխայի կարողացանք ապահովել տաք հագուստով:

Վորլդ Վիժն Հայաստանն ամփոփում է «Գաղտնի Ձմեռ Պապ» արշավի արդյունքները

736 մարդ մասնակցեց Վորլդ Վիժն Հայաստանի՝ «Գաղտնի Ձմեռ Պապ 2019» (#SecretSanta 2019) արշավին՝ նվիրաբերելով ամանորյա նվերներ Հայաստանի աղքատ ընտանիքներում ապրող 2637 երեխայի համար: Արշավի շրջանակներում նվիրաբերվել է ընդհանուր առմամբ 13,597,000 ՀՀ դրամ: 

18 օր տևած արշավին մասնակցեցին նվիրատուներ թե՛ Հայաստանի մարզերից, թե՛ Երևանից և թե արտերկրից:  Տոնական գուլպայի տեսք ունեցող բացիկում նվիրատուները տեսնում էին այն երեխային, ում համար ընտրում էին ամանորյա նվերը՝ Վորլդ Վիժնի կողմից առաջարկվող ցանկից՝ զարգացնող խաղեր, տիկնիկներ, գրքեր, մեքենաներ, կոնստրուկտորներ, գնդակներ և նկարչական պարագաներ:

Նվիրատվական արշավին մասնակցել են Հայաստանում գործող խոշոր, միջին և փոքր բիզնեսներ, ՏՏ ընկերություններ, տեղական և միջազգային կազմակերպություններ, անհատ ձեռներեցներ, պետական կառույցներ, արվեստի գործիչներ և հարյուրավոր սրտացավ անհատներ: Բոլոր նվիրատուները ստացել են անհատական հաշվետվություն-նամակներ նվեր ստացող երեխայի լուսանկարով:

 Վորլդ Վիժն Հայաստանը իրականացնում է «Գաղտնի Ձմեռ Պապ» արշավն արդեն երկրորդ տարին: Նախորդ տարվա համեմատ այս տարի հնարավոր է եղել կրկնապատկել թե՛ նվիրատուների և թե՛ նվեր ստացող երեխաների թիվը:  

Շնորհակալություն ենք հայտնում բոլոր նվիրատուներին՝ Հայաստանում ապրող երեխաներին ամանորյա տոն պարգևելու համար:  

Արշավի շրջանակներում խոշոր նվիրատվություն է կատարել «ԻՆԵԿՈԲԱՆԿ» ՓԲԸ-ն՝ նվիրաբերելով գումար 300 երեխայի ամանորյա նվերի համար:

Սիսիանի և Ճամբարակի համայնքներում ապրող 106 ընտանիք, որ այս օրերին հայտնվել էր ծանր իրավիճակում, ստացավ այդքան անհրաժեշտ սնունդ երկու շաբաթվա համար։

Իննամյա Մարիաննան ապրում է իր ծնողների, քրոջ և եղբոր հետ: Մարիաննան ունի մանկական ուղեղային կաթված, սակայն դա չի խանգարում, որ հաճախի դպրոց: Նա սիրում է նկարել և երազում է նկարչական պարագաներ ունենալու մասին: Միացե՛ք «1 օր` 1 նվեր» ակցիային և Մարիաննաին նվիրե'ք Ամանորի հրաշք և ուրախ տրամադրություն: